Footer

2 babbaro, nakumpiskaan kadagiti armas

STA.LUCIA, Ilocos Sur – Dua a babbaro ti nasukalan dagiti polis nga adda ikutda nga armas iti maysa a kalapaw iti asideg ti national highway sadiay Barangay Sabuanan ditoy idi rabii ti Marso 22.

Nagsuspetsa dagiti  polis idi nalabasanda ti maysa a Euro motorcycle a nakaparking iti panipngeten a paset ti igid ti kalsada ken nakitada ti dua a lalaki nga adda iti uneg ti kalapaw.

Immasideg dagiti polis sada rinikisa ni Joven dela Cruz y Balsomo, 17, ken residente iti Barangay Bao-as, Sta. Lucia ken ti menor de edad a kaduana a nainaganan Bernard Angala y Lorenzo, 15, 3rd year student ti Sabuanan National High School, residente met laeng iti nadakamat a barangay ket nakakumpiskada iti folded knife, folded nga espada/baton, 3 flying spiky ken metal knuckle a naikabil iti maysa a bag.

Naipan dagiti dua iti police station para iti umisu a disposision.#

Comments are closed.