Footer

70 pagadalan, nawarasan tugtugaw, lamlamisaan

VIGAN CITY – Tugtugaw ken lamlamisaan ti inwaras ti gobierno probinsial kadagiti  pagadalan iti probinsia itay lawasna.

Da Bokal Jeremias “Jerry” Singson ken Bokal Edgar Yabes ti nangisuno ken ni Gov. Ryan Singson nga adda nesesita a nakapananna a nagiwaras kadagiti tugaw ken lamisaan kadagiti dadaulo dagiti pagadalan.

Agdagup amin iti 70 dagiti tugaw ken lamisaan a naiwaras kadagiti nadumaduma a pagadalan iti elementaria ken sekundaria iti umuna a distrito ken maikadua a distrito a benepisario iti daytoy a proyekto ti gobierno probinsial para iti pannakaidur-as ti edukasion iti probinsia.

Kinuna ti maysa a prinsipal a napapanawen ti pannakaiwaras dagiti tugaw ken lamisaan agsipud ta addan maaramatda para iti pasken ken graduation iti pagadalanda.#

 

Comments are closed.