Footer

Agaagab, natiliw; natakaw a baka, narekobre

TAGUDIN, Ilocos Sur – Natiliw iti manhunt operation nga insayangkat dagiti polis ti lalaki a nangtakaw iti dua a baka  ti maysa a mannalon sadiay Barangay Del Pilar, ditoy nga ili.

Segun ken ni Diosdado Millare y Moises, 45, ken residente iti Barangay Malacañang ditoy met laeng nga ili, naiwayway dagiti bakana iti kataltalonan iti amianan ti Yakal building ngem idi napanna kinita iti kabigatanna, awanen dagitoy iti nakaigalutanda.

Sinawar ni Millare dagiti bakana amangan no nakagarutda ngem saannan a nasapulan dagitoy isu nga inreportna ken ni Barangay Captain Moises Lascota.

Natuntonan  da Lacosta ken ti biktima ti maysa kadagiti natakaw a baka iti slaughterhouse iti Barangay San Isidro, Candon City a mapapati nga inlako ni Richard Pagaduan y Aguilar, 35, residente iti Barangay Ag-aguman, ditoy met laeng nga ili iti maysa a Joel Garnace.

Nangiwayat dagiti nagtitipon nga elemento ti Candon City police station, Tagudin Police Station iti manhunt operation a nagtungpal iti pannakatiliw ni Pagaduan ken ti pannakarekobre pay ti kabayan a baka a mapattapatta nga agbalor iti P18,000.00.#

 

Comments are closed.