Footer

Natiliw nga agsusugal, nakasuan

TAGUDIN, Ilocos Sur – Kaso a panaglabsing iti PD 602 nga inamendar ti RA 9287 ti naipila maikontra kadagiti natiliwan dagiti polis nga agsusugal sadiay Barangay Bio, ditoy nga ili idi napan a lawas.

Maipalagip nga idi agarup 4:30 ti malem ti Marso 21, nangisayangkat ti nagtipon nga elemento ti Ilocos Sur CIDG nga indauluan ni PCI Modesto F. Carrera, PIB ken Tagudin police station ti operasion maikontra iti illegal number games a nagresulta iti pannakatiliw da Albert Flores y Raiz, 31, ken residente iti Barangay Bigbiga ken Jeffrey Reyes y Lazo, 31, ken residente iti Barangay Duplas, Sudipen bayat ti panagpapusta ken panagkolektada iti pusta iti nadakamat a barangay.

Nakakumpiska pay dagiti polis kadagiti papelitos a nakaisuratan dagiti napustaan a numero, P2,800.00 a pusta ken dua a ballpen.

Mapapati nga iti Tagudin ti pakakolektaan dagiti pusta sada mairemit iti Sudipen, La Union a pakabolaanda metten.#

Comments are closed.