Footer

Panaginut iti koriente, naidagadag

VIGAN CITY – Indagadag ni Ilocos Sur Electric Cooperative, Inc. Information Officer Clarence Ducusin ti panaginut ti publiko iti makunsomoda iti elektrisidad iti baet ti panagpababa ti singir ti koriente iti bulan ti Pebrero ken Marso.

Inwaragawag ni Ducusin bayat ti programa ti ISECO iti DWRS a bimmaba ti singir ti koriente iti P0.56 wenno rate a 9.03 iti billing iti Marso.

Immuna ngem daytoy, idi Pebrero, bimmaba ti singir ti koriente iti P2.17, segun ken ni Ducusin.

Ngem kinuna ni Ducusin nga ituloy koma dagiti consumers ti  aginut iti koriente tapno di ngumato ti makunsomoda a koriente.

“Disiplinaentayo ti bagitayo iti panagusartayo iti koriente tapno saantayo a magastaran iti bayadan a koriente,” inggunamgunam ni Ducusin.#

 

Comments are closed.