Footer

Sinaloa Drug Cartel, nakastreken iti pagilian!

Sinurat ni Melvin Bandonil

(Maudi a paset)

 

Segun ken ni Senior Superintendent Bartolome Tobias, chief of the PNP Anti-Illegal Drugs Special Operations Task Force (AIDSOTF): “Pieces of info received by AIDSOTF showed a certain Gary Tan operating in Metro Manila and nearby regions. He has been working with a certain George Torres, an American with US passport, and both appeared in the Mexican Sinaloa drug cartel.”

Naipiskot ni Gary Tan babaen ti tulong ti US Drug Enforcement Agency. Ni Gary Tan, ket agup-upa laeng iti nakatiliwanna a rancho, ti LPL Ranch.

Kas kanayonan a damag, pinaglibakan ni Toni Leviste a ti LPL Ranch ket kukua ti amana a ni ex-Batangas Governor Antonio Leviste, ti karuruarna la unay a balud iti New Bilibid Prison a kas parolado. Kukua kano ti ulitegna ti rancho, ngem baldado daytoy gapu iti pannakaistrokna sangapulo a tawenen ti napalabas.

“We don’t know the tenants at all, nor do we go to that area, since our own farm is not in that area, ours is in another direction (towards Balete town). Our farm is in fact near the Lipa City Hall where the parole board office is, where my dad has to report monthly as part of his parole conditions. My uncle (who owns LPL ranch) has actually been incapacitated since having a stroke over 10 years ago and a kidney transplant early this year. I can’t see why that has anything to do with the drugs seized, even if it’s in his property. Just like the drugs seized in Ayala Alabang a few years ago, the developers of the village had nothing to do with the issue, why do they have to mention my father’s name?” Dayta ti panangilawlawag ni Toni Leviste, ti reyna dagiti equestrian iti pagilian.

Iti panagsarita ni PNP chief Director General Alan Purisima iti telebision, kunana: “It is part of our investigation how the cartel was able to penetrate our country. So we are still in the process of determining what is the history behind the arrest of these people.”

Naglawa ti pagilian ken addaan iti nasurok a 7,000 nga isla, nalukay unay ti seguridadna ket nalaka laeng ti mangismagel kadagiti binulto a droga babaen ti tulong dagiti korap nga agrebbeng. No bagas ken dadduma pay a tagilako ket naglakada nga ipuslit nga iserrek iti pagilian, anianto la ket daytan droga a nagballingan a bulto iti tunggal panagiserrek?

Billion dollars ti network ti Sinaloa drug cartel. Isu nga uray dagiti senador ket naalarmada metten itoy a banag.

“These thugs are even richer than the government of the Philippines. The Chinese triad is nothing compared to this. This is more dangerous.  This is more depraved,” kinuna ni Senador Vicente Sotto III kas sungbatna bayat ti telephone interbio ti Philippine Daily Inquirer kenkuana.

“This is cause for serious concern. As chair of the committee… I deem it necessary that the committee gets a thorough briefing from the PNP and PDEA on this grave national concern as soon as possible,” kinuna ni Senator Grace Poe, chairman ti Senate committee on public order and dangerous drugs. “This menace needs to be nipped in the bud as it is a real threat to our society.”

Sinaloa drug cartel? Minantsaan ni Joaquin “El Chapo” Guzman ti napintas a nagan ti Sinaloa State, lugar ni boxing icon, five-time world champion boxer Julio Cesar Chavez ken ti nalatak a soccer player Angel Eduardo Ochoa Uriarte.

Ti Sinaloa State ti kakaisuna nga estado iti Mexico a pakaay-ayaman pay laeng iti kadaanan nga ulama, ti popular nga isport ti naungawen a sibilisasion dagiti Aztecs, ti pakasarakan iti banda musica, ken ti damiana a popular a herb-based liquor.

Ti Sinaloa ket maysa nga agricultural state, nga isu ti inawaganda iti “Breadbasket of Mexico” ken lugar a pakakitaan iti kadakkelan a canning facility iti sibubukel a Latin America, ti Mazatlan.

Ngem gapu iti saan a nasayaat nga aramid ni Joaquin “El Chapo” Guzman, narugitan ti nasayaat a nagan ti Sinaloa State. Gapu iti dayta  panaglakuan iti maiparparit a droga. Ti droga a nakadadaelan dagiti adu nga arapaap.

Ti nagdumaan dagiti dadduma pay a notorious drug cartel a kas iti Zeta group a naessem iti pinnatayan ket kabaliktadna ti Sinaloa drug cartel ta ad-adda nga usarenda ti adu a kuartada ken panagbalin a kameng iti grupo dagiti korap nga opisial ken pannakabagi ti linteg. Iti daytoy nga istratehia, ad-adda pay a limmawa ti masakupanna.

Itan ta addan nga agbasakbasak iti pagilian ti Sinaloa drug cartel, ken usarenda ti istratehiada a panangaramat iti pirak a pangappan kadagiti agbalin a konsabosda, sigurado la ketdi a pumayagpag ti puersada ta nagpuniponan ditoy pagilian dagiti kurap nga opisial, kameng ti otoridad ken nalaka a maiwawa nga umili babaen iti pirak.

Nasken ti serioso a panagtignay ti gobierno a mangkettel iti panagrapaya iti daytoy a cartel,  agsipud ta no nakaramuten, narigaten a pugipogen.#

 

Comments are closed.