Footer

2 agpappapusta iti hueteng, natiliw

CERVANTES, Ilocos Sur – Dua a lalaki ti nanabtuog iti anti-gambling operation nga insayangkat dagiti nagtipon nga elemento ti 1 RCIDU-SOT ken Cervantes Police Station nga indauluan ni PSupt. Cesar G. Paday-os, Deputy Regional Chief,1 RCIDU, San Fernando City, La Union,  sadiay Barangay Rosario ditoy nga ili idi malem ti Marso 30.

Natiliw iti operasion da Simeon Inyaka y Lapius, 37, naasawaan, ken residente iti Barangay Aluling, Cervantes, Ilocos Sur ken Antonio Ramirez y Astudillo, 53, naasawaan ken residente iti  Barangay Rosario, ditoy met laeng nga ili.

Nakumpiska iti ikut dagiti dua ti dua a bolpen, stapler, ken P6,378.00 a pusta iti nadumaduma a denominasion.

Nakataray dagiti di nabigbig nga agpuspusta kadagiti dua.

Naipan dagiti naaresto iti IRCIDU para iti booking ken dokumentasion.#