Footer

Akusado, boluntario a simmuko iti polis

STA. CRUZ, Ilocos Sur – Boluntario a simmuko iti polis ti lalaki a sumangsango iti kaso iti maysa a korte sadiay Villasis, Pangasinan idi bigat ti Marso 31.

Simmuko iti police station ditoy ni Carlos Corpuz y Caguioa, 19, baro, residente iti Barangay Poblacion Norte, idi agarup 9:30 ti bigat ti nadakamat a petsa.

Adda standing warrant of arrest ni Corpuz nga inyisio ni Judge Teodorico Alfonso P. Bauzon ti Regional Trial Court Branch 50, Villasis, Pangsinan gapu iti kasona a reckless imprudence resulting in homicide and damage to property iti babaen ti CC No. V-1677.

Adda nairekomenda a P30,000.00 a piansa ni Corpuz para iti temporario a wayawayana.#

Comments are closed.