Footer

Babbai, nagsession iti Vigan City Council

VIGAN CITY – Kas paset ti pannakaselebrar ti Women’s Month ditoy siudad, pasig a babbai ti simmublat a nagsession iti sangguniang panlungsod idi Marso 31.

Kinaabay a mismo dagiti nabutosan a konsehal ditoy dagiti babbai a counterpartda bayat ti pannakaangay ti session no sadino a natratar dagiti dadduma a gakat a naidatag iti sangguniang panlungsod.

Kalpasan ti session, naisaruno ti maysa a programa kas culminating activity iti makabulan a selebrasion.

Tinawen a selselebraran ti gobierno lokal ditoy nga idadauluan ni Mayor Eva Marie S. Medina  ken ni Vice Mayor Lourdes Baquiran ti Women’s Month a pakipartsiparan dagiti nadumaduma a grupo dagiti babbai ditoy siudad.#