Footer

BFP-Sinait, napadayawan

VIGAN CITY – Pinadayawan ti gobierno probinsial dagiti kameng ti Bureau of Fire Prevention ti Sinait gapu iti alisto a panangisalakanda iti maysa a biktima ti aksidente a napasamak idi bulan ti Disiembre itay napalabas a tawen.

Maipalagip a nainbolbar iti daytoy nga aksidente idi Disiembre 5, 2013 ti lugan ni Vice Gov. Deogracias Victor Savellano ket naipit ti drayber ti sabali a lugan.

Segun ken ni Gov. Ryan Singson, mismo a naimatanganna ti nadaras a panagresponde dagiti kameng ti BFP ti Sinait ket naakkalda ti naipit a drayber ti lugan a nainbolbar iti nasao nga aksidente.

“Napardas ti panagrespondeda, ammoda ti protocol, well trained isuda ket alisto a naakkalda ti victim ken naitaray iti ospital isu nga awan ti casualty,” kinuna ti gobernador.

Kinuna met ni SF01 Darwin Cabacungan, deputy fire marshal, ken team leader ti grupo a nagresponde iti naireport nga aksidente saan laeng a pammadayaw a para kadakuada no di pay pammadayaw iti sibubukel nga ili ti Sinait.

Malaksid iti sertipiko ti pammadayaw, immawat pay ti Sinait BFP iti cash award.#

Comments are closed.