Footer

Living treasurers, guyugoyen ti gobierno probinsial nga agisuro kadagiti agtutubo

VIGAN CITY – Kinuna ni Vice Gov. Deogracias Victor Savellano a puntiria ti gobierno probinsial a probitiaren ti talento dagiti living treasures iti probinsia tapno saan a mapukaw dagiti tradisional nga industria iti probinsia.

Segun iti bise gobernador, gapu ta lumakay ken bumaketdan, kasapulan a maipata widda ti talentoda isu nga ikkan ida ti gobierno ti probinsia iti insentibo, kas iti honorarium, nga agisuro kadagiti agtutubo tapno mapreserba dagiti produkto.

Dinakamat ni Savellano ni Nana Catalina nga inawis ti gobierno probinsial nga agisuro kadagiti ub-ubbing iti panagabel nangruna iti binakol nga abel ket maik-ikkan daytoy iti honorarium.

Kinuna ni Savellano a kas approach ti gobierno ti pr-binsial, alaenna dagiti lallakay ken babbaket a trainor nga agisuro kadagiti ub-ubbing iti lugarda ket maikkanda iti insentibo nga honorarium iti pana-gisuroda.

Kinuna ni Savellano nga inaprobaranen ti sangguniang panlalawigan daytoy a gannuat ket sumaruno ti pannakaadalna no kasano a maipatungpal daytoy tapno agballigi.

Innayon ni Savellano a maipasidong iti Ilocos Sur Community College (ISCC) ti panagadal dagiti ubbing iti babaen dagiti living treasures tapno addanto met laeng diploma dagitoy no agturposda.

Iti komunidad a pagindegan dagiti living treasures ti pagadalan dagiti ubbing tapno saan nga agproblema dagitoy iti gastuenda no mapanda pay la agbasa koma iti ISCC, kinuna ni Savellano.#