Footer

Pannakabangon PNP building, matagtagiuray

CABUGAO, Ilocos Sur  – Maitagtagiuray laengen ti naan-anay a komunikasion manipud iti PNP headquarters para iti pannakabangon ti pasdek ti PNP ditoy nga ili.

Agsipud ta awan pay ti go-signal iti pannakairugi ti pannakabangon ti nasao a pasdek, saan pay nga umalis ti police station iti sigud a yanna, daytoy ti naammuan ti Tawid News itay nabiit.

Iti immun-una nga interbiona iti lokal a media, naammuan ken ni Mayor Edgardo S. Cobangbang, Jr. nga  inaprobaranen ti lokal a gobierno ditoy ti maysa a resolusion mainaig iti pannakaidonar ti lote iti asideg ti Bureau of Fire Protection a pagpatakderan ti nasao a building.

Adda payen inlatang ti gobierno ditoy a P1 million kas tulongna iti pannakaipatakder ti nasao a pasdek, innayon ti mayor.

Kinuna ni Cobangbang a maipatakder ti dialysis center ken dental clinic iti lote a pagpanawan ti PNP.#

 

Comments are closed.