Footer

Expanded age coverage ti 4Ps, nairusat

CABUGAO, Ilocos Sur – Karamanen dagiti annak dagiti benepisario ti Pantawid Pamilyang Pilipino Programn (4 Ps) nga agtawen iti 15-18 iti expanded age coverage ti nasao a programa, daytoy ti naammuan manipud iti Municipal Link Office ditoy nga ili itay nabiit.

Kinuna ni DSWD Municipal Link-Cabugao Juliet Madriaga, naaramid ti rehistrasion dagiti kualipikado a benepisario ti Expanded Age Coverage Program ti 4Ps bayat ti community assembly a naangay iti Cabugao Cultural and Sports Complex idi Abril 9.

Agdagup iti 1,715 dagiti households iti 33 a barangay ditoy nga ili ti potensial a mairaman iti nasao a programa, segun ken ni Municipal Social Welfare Office Lydia S. Gazmen.

Iti mensahe ni Mayor Edgardo S. Cobangbang, Jr., impatalgedna ti panangsuportana iti maysa pay a programa ti lokal a gobierno nga idauluanna, ti Alternative Learning System (ALS) a pannakatulong met dagiti out of school youth a mangtun-oy iti adalda.

Dagiti agtawen iti 0-14 ti nairugi a sakup ti nasao a programa ngem babaen daytoy naikalawa a programa, maikkan dagiti benepisario iti P500 cash grant iti panagbasada iti high school idinto a P300 iti elementaria.#