Footer

Lakay, dinungpar ti lugan, natay

CANDON CITY – Naideklara nga awanen ti biagna iti nakaitarayanna nga ospital ti maysa a lakay gapu iti pannakadungparna bayat ti pannagnana iti abaga ti kalsada sadiay Barangay Ayudante ditoy siudad idi malem ti Abril 6.

Nabigbig ti biktima a ni Cipriano Garabiles y Cudiamat, 79, balo, ken residente iti nadakamat a barangay.

Segun iti inbestigasion, mapapati a nakadungsa ni Arnolfo Pre y Habon, 77, naasaawaan ken residente iti Barangay Barangobong, Sta. Lucia, Ilocos Sur bayat ti panagmanehona iti Mitsubishi Van ket nagpakannigid ti lugan sana dinungpar dagiti kayo  ken ti biktima a magmagna iti dayta a kanito iti dayaen nga abaga ti highway.

Kinuna ni Marife Lawagan y Lucabet, 18, balasang, ken residente iti Barangay Boguibog, Salcedo, Ilocos Sur a magmagna a kasinnabatna ti biktima idi sabali ti tinurong ti van ket dinungparna ti lakay. #

Comments are closed.