Footer

Pondo para kalsada, seawall, nakiddaw iti gobierno probinsial

STA. CATALINA, Ilocos Sur – Dua a resolusion ti inaprobaran ti sangguniang bayan ditoy itay nabiit a nangkiddawanda iti gobierno probinsial iti pondo para iti pannakarehabilitar ti kalsada ti farm to market road ken seawall ditoy nga ili.

Kinuna ni Konsehal Niño Realin, autor iti nasao a resolusion,  nga indatagna daytoy a nangkiddaw iti pondo para iti rehabilitasion ti main road ti Barangay Tamurong kalpasan a nakitana ti kinadakes ti main road ti nasao a barangay.

Agdagup iti P3 million ti pondo a nakiddaw para iti nasao a farm to market road.

Sabali laeng ti resolusion nga inaprobaran ti sangguniang bayan a nagkiddaw iti gobierno probinsial iti P10 million a pondo para iti seawall.

Naiyawat dagiti dua a resolusion ken ni Gov. Ryan Singson.#