Footer

5,257 nageksamen iti Nurses Licensure Examination: PRC Regional Office BAGUIO

BAGUIO CITY— Agdagup iti 5,257 dagiti nageksamen iti Nurses Licensure Examination iti uppat a siudad idi Mayo 25 ken 26, 2014, segun iti Professional Regulation Commission (PRC) Baguio Regional Office.

Kinuna ni PRC Regional Director Teofilo Gaius M. Sison, Jr. a 3,055 ti nageksamen iti Baguio City, 931 iti Dagupan City, 763 iti Cabanatuan City, ken 508 iti Laoag City wenno iti kadagupan a 5,257 babaen ti superbision ti Baguio Regional Office.

Kinuna ni Sison a maruk-atan ti resulta ti eksamen kalpasan ti 24 working days.
Innayonna a maberipikar dagiti nageksamen ti gradoda iti www.prc.gov.ph babaen ti panangklikda iti Online Verification Ratings (OVR).#