Footer

Mannalon, binagsol ti kabsatna

SINAIT, Ilocos Sur – Naiyospital ti maysa a mannalon gapu iti panangbagsol kenkuana ti kabsatna a napasamak sadiay Barangay Calingayan ditoy nga ili idi rabii ti Hunio 5.
Naitaray ni Erwin Ines y Sarabia, 34, naasawaan, iti Corpuz Clinic and Hospital, Sinait, sa naiyalis iti Mariano Marcos Memorial Hospital, Batac City, gapu kadagiti sugatna iti tengnged, tian, makannigid a dakulap ken makannawan a paset ti likudna.
Simmuko ni Fernando Ines y Sarabia, 29, baro, inaudi a kabsat ti biktima, ken ni Barangay Captain Leonardo Inofinada sa naipaima iti Sinait police station.
Mapapati a nakainom dagiti dua idi nagsubangda a nagtungpal iti panangbagsol ni Fernando ken ni Erwin.
Saan a narekobre ti armas a naaramat iti pammagsol.#

 

Comments are closed.