Footer

Natakaw a motorsiklo, narekobre

CANDON CITY – Dua nga aldaw kalpasan ti pannakatakawna, narekobre met laeng ti motorsiklo ni Fe Barroga idi malem ti Hunio 3 ket nakemmeg pay ti suspek a mapapati a nangtakaw iti daytoy.

Naireport a natakaw ti motorsiklo ni Barroga, residente iti Barangay Patpata 2nd, Candon City idi Hunio 1 bayat a nakaparking iti Paulina Drive-in, Barangay Ayudante.

Ngem idi agarup 3:00 ti malem ti Hunio 4, nakita ni Bonifacio Toquero, 24, kalugaran ti biktima, a nakaparking iti sango ti Candon Civic Center ket impakaammona iti gayyemna nga anak ni Barroga a dagus met a nangipakaammo iti polis.

Siniputan dagiti polis ti lugan ket idi sinakayan ti maysa a lalaki sana pinagandar, dagus nga inarestoda.

Nabigbig ti suspek a maysa nga Edwin Rugian y Barot, 26, baro, mekaniko, ken residente iti Barangay Barangubong, Sta. Lucia, Ilocos Sur.#