Footer

No. 6 most wanted person, inaresto dagiti polis

BURGOS, Ilocos Sur – Maysa a lakay ti inaresto dagiti nagtitipon nga elemento ti CIDG Ilocos Sur nga indauluan ni PCI Modesto F. Carrera ken Burgos police station sadiay Barangay Dirdirig ditoy nga ili idi parbangon ti Hunio 12.

Inaresto dagiti polis ni Arsenio  de la Cruz y Tolentino, 62, residente iti nadakamat a barangay babaen ti warrant of arrest nga inyisio ni Judge Gina Juan-Chan ti RTC Branch 22, Narvacan, Ilocos Sur.

Sumangsango ni de la Cruz, nakalista a No. 6 a most wanted person iti probinsia, iti kaso a murder a nai-docket iti babaen ti Criminal Case No. 3776-N ket awan ti nairekomenda a piansana.

Naipan ti akusado iti CIDG Ilocos Sur Office, Bulag, Bantay, Ilocos Sur para iti dokumentasion sakbay a naipresentar iti maseknan a korte.#

Comments are closed.