Footer

Estasion ti PAG-ASA, adda plano a maiyalis

SINAIT, Ilocos Sur – Adda plano a maiyalis ti PAG-ASA manipud iti maysa a barangay ditoy nga ili, daytoy ti impalgak ti maysa nga empleado daytoy nga ahensia itay nabiit.

Kinuna ni Rolando Quemi, empleado ti PAG-ASA a plano a maiyalis ti estasionda manipud iti Barangay Tapao ditoy nga ili iti Ilocos Sur Polytechnic College iti Sta. Maria, Ilocos Sur.

Nupay kasta, kinuna ni Quemi nga adda met resolusion ti provincial government a maiyalis ti estasionda iti Vigan City.

Kinuna ni Quemi a dida pay ammo no ania kadagitoy a lugar ti pakaiyalisan ti estasionda.

Maipalagip nga adda estasion ti PAG-ASA iti Vigan sakbay a naiyalis iti Barangay Tapao.

Segun ken ni Quemi, talloda laeng nga empleado iti nasao nga estasion iti baet a napateg daytoy nga ahensia iti pannakaiwarawagag ti sasaaden ti panawen, aglalo iti tiempo ti bagyo.#