Footer

Nabartek a lalaki, pinaisaldana motorsiklona

SINAIT, Ilocos Sur – Nakaro la ketdi ti bartek daytoy a lalaki ta uray dina am-ammo ket inluganna sana pay intalek ti motorsiklona nga isalda daytoy.

Nagpulong iti polis ni Ruben Yarte y Yadao, 55, naasawaan, ken residente iti Barangay Paratong nga intaray ti maysa a di nabigbig a lalaki ti motorsiklona idi agarup 5:30 ti malem ti Hunio 6.

Sakbay daytoy,  naggiinom da Yarte ken gagayyemna ket idi naggawid ti biktima, nalabsanna ti suspek iti dalan ket inluganna agingga iti Barangay Nagbalioartian.

Mapapati nga inted ni Yarte ti tulbek ti motorsiklo sana imbaga nga isalda ti suspek.

Saanen a nagsubli ti suspek isu nga inreport ni Yarte ti insidente iti polis.

Saan a nailanad iti blotter no apay a pinaisalda ni Yarte ti motorsiklona iti mapapati a dina am-ammo a suspek.#