Footer

P300,000 balorna ag-agas, impaay DOH Regional Office

CABUGAO, Ilocos Sur – Nadumaduma nga ag-agas a pakairamanan dagiti ramit a pangontra iti dengue ti inted ti Department of Health, Regional Office para iti rural health unit ditoy nga ili itay nabiit.

Segun ken ni Municipal Health Officer Dr. Bernardino de Gracia, nakiddaw dagiti ag-agas babaen ti initiatibo ni Mayor Edgardo S. Cobangbang, Jr. tapno nasaysayaat pay ti serbisio iti salun-at ti Rural Health Unit ditoy nga ili.

Agdagup iti aganay P300,000.00 ti balor dagiti agas ken Ovi-trap, maysa a ramit a pagpatay kadagiti itlog ti lamok tapno malapdan ti panagraira ti dengue ditoy nga ili.

Kanaig daytoy, kinuna ni Dr. De Gracia a makikammayet ti rural health unit ken ti sangguniang bayan nga idauluan ni Vice Mayor Deogracias Jose Savellano kadagiti barangay health workers para iti pannakaiwaras dagiti Ovitrap kasta met dagiti ag-agas.#

Comments are closed.