Footer

Baro, tinagbat ti barangay kagawad

CERVANTES, Ilocos Sur –  Saan a nalasatan ti maysa a baro dagiti sugatna ket pimmusay iti ospital nga awan ti naitedna a deklarasion no apay a tinagbat ti suspek a kalugaranna.

Mismo a sinurot ni OIC Manuel Froebel Tiri ni Robert Abalos y Salibad, Jr. 24, residente iti Sitio Zigzag, Barangay Malaya, ditoy nga ili iti Luisora Hospital, Bauko, Mt. Province, a nakaiyalisanna ngem saannan a naalaan ti biktima iti deklarasionna.

Naammuan ti kapolisan ti pannagbat a napasamak idi agarup 1:30 ti malem ti Hulio 16 babaen ti report manipud iti maysa nga Edward Payan ket dagusda ti nagresponde ngem naitarayen ni Albalos iti Bessang Pass Memorial Hospital.

Innala dagiti polis iti kustodiada ni Samson Payan y Felino, 36, naasawaan, barangay kagawad, ken residente met laeng iti nadamakat a barangay.

Saan a narekobre dagiti polis ti armas a naaramat iti pannagbat.#

Comments are closed.