Footer

Mapapati a drug pusher, inaresto dagiti polis

VIGAN CITY – Inaresto dagiti polis ditoy siudad ti maysa a baro a sumangsango iti kaso ti droga idi iti pagtaenganna sadiay Barangay III ditoy siudad idi malem ti Hulio 14.

Naaresto ni Joseph Alcantara y Wakit, 31, residente iti Barangay III, Vigan City, babaen ti bileg ti warrant of arrest nga inyisio ni Judge Gina Juan Chan ti Regional Trial Court, First Judicial Region, Branch 21, Vigan City, Ilocos Sur,

Sumangsango ni Alcantara iti panaglabsing iti Section 6 ken 12 ti R.A. 9165 wenno Comprehensive Dangerous Drug Act of 2002 ket nai-docket dagiti kaso iti babaen ti Criminal Case No. 7422-V 2014 ken 7423-V 2014.

Makapagpiansa ni Alcantara iti P120,000.00 para iti panaglabsingna iti Section 12 ti R.A. 9165 ngem awan ti nairekomenda a piansana iti panaglabsingna iti Section 6 ti met laeng nasao a linteg.#

Comments are closed.