Footer

Naggasatkan ta Eskolarka Gayam, Nakkong!

Salaysay ni Jose Ed. Sajonia

NO ESKOLARKA, tangta-ngadendaka ta masiribka ken di agproblema unay dagiti nagannak kenka a mangpabasa kenka gapu ta itden ti sabali a tao wenno grupo,  institusion, pribado man wenno publiko, ti kaaduan a gastosmo.

Nangruna unay no ti nagaw-atmo nga scholarship grants ket naggapu iti nalatak a kolehio wenno unibersidad kas iti University of the Philippines, ay, ket maigloriaka a kanayon iti pannakaawagmo nga eskolar!

Ala, ti nasken ken kasesitaan ket agbalinka nga eskolar a makuna ta supsuportarandaka iti libre a pagbasam, di met, Kaka?

 

CABUGAO EDUCATION SCHOLARSHIP PROGRAM

 

Nagbalin a  linteg ti Ordi-nance No. 2013-10 a napa-uluan: “An Ordinance  Establishing the Cabugao Education Scholarship Program…” a pinutar  ni Sangguniang Bayan Member Danilo Q. Gazmen ken inda-rirag  ti Joint Committee on Education and Appropriation  ken  inaprobaran ni Mayor Edgardo S. Cobangbang, Jr. idi Oktubre 14, 2013 kalpasan a naglasat iti  maikatlo ken final reading iti konseho munisipal.

Kangrunaan a maisagut iti daytoy a linteg dagiti agtutubo nga annak ti napanglaw a pamilia a di makabael a mangi-sakad iti panagadalda tapno makaturposda iti high school wenno makaileppasda  iti kole-hio a makatulong iti panag-biagda. Busbosenda a kuarta ti dakkel a tubeng iti panagadal dagiti agtutubo nga annak ti napanglaw a pamilia.

Buklen ti Cabugao Edu-cational Scholarship Program Board ti siam a kameng nga idauluan ti municipal mayor a mangpili kadagiti kualipikado a grantees.

Iti pannakiuman ti nagsurat ken ni SB Secretary Maxfel S. Suboc,   kinunana nga iti dagup ti 30 nga ordinansa a napagbalin a linteg ti konseho munisipal iti 2013, ti nasao nga  scholarship program ti makuna a  dakkel ti kaipapananna gapu iti panag-kasapulan dagiti tumantan-ay a henerasion ti  agtutubo iti ili ti Cabugao a maisagutan iti adal.

SAGUT KADAGITI NA-PANGLAW nga agtutubo

Nageksamen dagiti aplikante para iti daytoy libre a panagadal  a programa ti LGU-Cabugao nga idauluan ni Mayor Edgardo “Ediboy” S. Cobangbang, Jr.  idi Abril 28, 2014 iti Cabugao North Central School, Brgy.  Rizal, Cabugao, Ilocos Sur.

Maiyimplimentar ken  maisa-gut daytoy a linteg kadagiti makaruar iti eksamen nga agtutubo  a nasged ti tarigagayda a makaileppas iti high school ken kolehio.

Naaramid ti umuna a tarip-nong  dagiti scholars ti LGU-Cabugao  iti Municipal Con-ference Hall, Cabugao, Ilocos Sur itay nabiit a nagatendaran dagiti estudiante iti high school ken kolehio a nakaipasa iti naituyang a pagrukodan baba-en iti implementasion ti Cabugao Education Scholar-ship Program ti munisipio.

Iti nasao a panagtitipon, imbinsa ni SB Member Dr. Jemaima S. Tan-Yee,  chair iti Committee on Education, kadagiti nakapasa dagiti pang-gep ken alagaden  daytoy nga scholarship program.

Nangipaay met iti pamma-lagip ken inspirasion ni SB Member Benedicto M. Savellano, Vice Chair, Com-mittee on Education, kadagiti estudiante  ken nagannakda.

Nakipaset met iti nasao a miting da Dario Roy Siruno ken ni  Municipal Budget Officer Miss Marietta S. Cruz, agpada nga adda akemda iti pannakaipatungpal daytoy a programa ti munisipio.

No kaskasano ket nairugi daytoy a napintas a gundaway kadagiti poor but deserving students a taga-Cabugao. Nupay 30 nga estudiante pay laeng ti damo a mabenepisiaran iti daytoy scholarship program,  naiyalokaran iti P300,000 tapno naannayas ti pannaka-irusatna.

Ti napateg ket agtultuloy daytoy a programa ti LGU-Cabugao ta babaen ti naapro-baran nga ordinansa, addan mandato a tinawen a maiya-lokaran iti pundo  daytoy a proyekto.#