Footer

Fish cages, nayurnos

VIGAN CITY – Naiyussuat ti pannakaurnos dagiti fish cages a naipakat iti Pantay River ditoy siudad tapno sumayaat iti panagtaray ti danum, segun iti dadaulo dagiti mangngalap ditoy siudad.

Kinuna ni dati a konsehal Maximo Alves, agdama a presidente iti gunglo dagiti mangngalap iti Barangay Mindoro, a maiyurnos dagiti fish cages iti karayan iti Barangay Pantay tapno maprebentaran ti congestion dagiti taraken a lames.

Kinuna ni Alves nga inlawlawagda kadagiti fish cage operators a maiyalis dagiti saan a naurnos a fish cages ket maikabilda iti ballasiw a paset ti karayan tapno malapdan ti congestion ken naan-annayas ti panagtaray ti danum.

Ti sobra unay a kaadu dagiti lames ken panagdidippit dagiti fish cages ti maysa a makagapu iti fish kill.

Adda kadagupan a 142 mangngalap a naikkan iti Mayor’s permit itay nabiit.#

Comments are closed.