Footer

Motorista, natiliwan nga agikut iti paltog

CABUGAO, Ilocos Sur – Naaresto ti maysa a motorista kalpasan a nasukalan nga adda ikutna a paltog sadiay Barangay Arnap, ditoy nga ili idi Hulio 19.

Inaresto dagiti polis ni Louie Tabula y Sajor, 28, baro, drayber, ken residente iti nadakamat a barangay kalpasan a nakumpiska iti ikutna ti maysa a homemade caliber 38 revolver a nagkarga iti innem a bala.

Bayat ti panagpatrolia dagiti polis nga indauluan ni Deputy Chief of Police, Inspector Nestor Sonido Savellano iti Barangay Arnap idi agarup 10:30 ti rabii ti nadakamat nga aldaw, nakitada ti suspek a dimsaag iti MCX a motorsiklona sa pinadasna ti naglibas.

Kinamat dagiti polis ket natiliwda ni Tabula. Nasukalanda pay nga adda ikutna a paltog.

Naipan ti suspek ken ti paltogna iti police station para iti umno a disposision.#