Footer

Tractor, ganagan para mannalon, naiwaras

BANAYOYO, Ilocos Sur – Traktora, ganagan ken dadduma pay a ramit-talon ti inwaras ti gobierno probinsial ditoy nga ili itay nabiit.

Mismo a nagturong ti bunggoy ni Gov. Ryan Singson ditoy nga ili tapno iwarasda dagitoy a kasapulan dagiti mannalon a kiniddawda iti gobierno probinsial babaen ti resolusion.

Immawat ti Barangay Lintic iti dua a traktora with trailer idinto a saggaysa a traktora ti inawat ti Poblacion ken Sitio Bay-asan Barangay Naguimba Farmers’ Association.

Agdagup met iti 936 sako a ganagan ti naiwaras kadagiti rehistrado a mannalon ditoy nga ili, malaksid laeng iti 34 a solar kits para kadagiti awanan silaw ken school bags para kadagiti agbasbasa iti elementaria iti pagadalan publiko.

Kanaig daytoy, nagyaman ni Mayor Severino Galanga ken ni Gov. Singson gapu kadagitoy nga insagutna kadagiti mannalon a kailianna.#

 

 

Comments are closed.