Footer

2 konduktor ti bus, naapput nga agsussusop iti droga iti terminal

VIGAN CITY – Babaen ti napardas nga aksion ti kapolisan ditoy, dua a konduktor ti bus ti naaresto bayat ti panagsusopda iti maiparparit a droga iti mismo a terminal dagiti lugan sadiay Barangay VIII ditoy siudad idi malem ti Agosto 29.

Naapput dagiti polis da Jeffrey Guzman y Palafox, 28, naasawaan, konduktor ti minibus, ken residente iti Barangay Magsaysay, Sinait, Ilocos Sur, ken ni Jesus Valdez y Mercado, 44, naasawaan, ken konduktor iti sabali a di nainaganan a bus, ken residente iti Barangay Teppeng, Sinait, Ilocos Sur, bayat a mapapati nga iwaywayatda ti pot session iti mismo nga uneg ti minibus a nakaparking iti dayta nga oras iti Vigan City Terminal Annex, Barangay VIII.

Sakbayna, idi agarup 3:19 ti malem ti nadakamat nga aldaw, maysa a maseknan nga umili ti timmawag iti police station ket intipna ti kaadda iti pot session iti bus terminal.

Iti kellaat nga inspeksion dagiti polis iti nasao a minibus, naapput dagiti suspek nga agsussusop iti maiparparit a droga iti sango a tugaw ti lugan.

Nakakumpiska dagiti polis iti maysa a naluktan a plastic sachet a naglaon iti mapapati a shabu ken maysa a bassit a nagtimbukel nga aluminum foil iti sirok ti nagtugawan ni Guzman.

Nakarekobre pay dagiti polis iti maysa a lighter manipud ken ni Guzman iti maysa a lighter a mapapati nga inaramatda iti pot session.

Malaksid dagiti dua, inkuyog pay dagiti polis ni Michael Ines y Talaña, 34, drayber iti nasao a minibus, ken residente iti Barangay Magsaysay, Sinait, Ilocos Sur, para iti dokumentasion ken umisu a disposision.

Kalpasan a napakatan dagiti suspek iti medico legal, naipanda iti Ilocos Norte Crime Laboratory Office para iti drug test ken laboratory examination.#
R

Comments are closed.