Footer

Mannalon, pinapatay riding in tandem

MAGSINGAL, Ilocos Sur – Maysa a mannalon ti pinapatay dagiti armado a tattao a riding in tandem iti sanguanan ti Blue J’s Gasoline Station idi agsapa ti Septiembre 7.

Dagus a nagudas ni Mardonio Ursulom y Ursua, 68, naasawaan, mannalon, ken residente iti Barangay San Clemente ditoy nga ili gapu kadagiti sugatna iti ulo ken bagina.

Iti panagimbestiga dagiti polis, agpaabagatan ti biktima a nakabisikleta ket idi makadanon iti sango ti nadakamat a gasolinaan, pinalikudan a pinaltogan dagiti di nabigbig a suspek a naglugan iti Honda TMX 155 a nakagudasanna a dagus.

Naglibas iti abagatan a direksion dagiti suspek.

Nakarekobre dagiti inbestigador iti sangapulo ket maysa a kapsula ken dua a buli iti nakapasamakan ti krimen.

Saan pay nga ammo ti motibo ti pammapatay.#

Comments are closed.