Footer

Marcos Fiesta Job Fair, insayangkat ti gobierno probinsial ti Ilocos Norte

LAOAG CITY – Kas paset ti selebrasion ti Marcos Fiesta, nakikammayet ti gobierno probinsial ti Ilocos Norte kadagiti job portal a nangisayangkat iti Marcos Fiesta Job Fair sadiay Robinsons Place Ilocos, San Nicolas, Ilocos Norte itay Septiembre 12.

Sakbayna, indagadag ni Nicole Rudio, hepe ti Public Employment Service Office (PESO), kadagiti interesado nga aplikante nga umuna nga agrehistroda iti www.ilocosnortejobs.ph babaen ti panangiklikda iti Marcos Fiesta Job Fair 2014 banner tapno mapadaras dagiti transaksion ken malapdan ti atiddog a linia dagiti aplikante.

Naisayangkat ti proyekto babaen ti kooperasion ti JobsDB Philippines, Robinsons Place Ilocos, ABS-CBN, 99.5 i-FM Laoag, Smart Communications Inc. ken Vertext HANDYphones Corporation kasta met ti Technical Education ken national agencies kas ti Skills Development Authority (TESDA), Department of Labor and Employment (DOLE) ken Overseas Workers Welfare Administration.

Paset pay laeng daytoy ti lungalong ti PGIN Task Force Trabaho tapno mapapigsa ti kampania ni Gov. Imee Marcos a mangbuangay iti ad-adu pay a pagtrabahuan para kadagiti Ilokano. (Manipud iti report ni Alyanna Yvenice T. Miguel, PGIN-CMO)

Comments are closed.