Footer

Pannakaingato inspeksion fee, nailungalong

VIGAN CITY – Nailungalong itay nabiit ti pannakaipangato ti inspection fees kadagiti imported frozen meat a mailako ditoy siudad.

Kinuna ni Vigan City Slaughterhouse Master Dr. Arnulfo Quitoriano a daytoy ti natratar iti naisayangkat a public hearing itay nabiit mainaig iti nasao a lungalong ni Konsehal Juan Carlo Medina.

Kas maibatay daytoy a lungalong ni Medina, manayonan ti inspection fee a masingsingir kadagiti imported a frozen meat a mailaklako iti siudad ti Vigan ket itinto slaughterhouse ti pakaipakatan ti inspeksion sakbay a maipanda iti tiendaan publiko a mailako.

Segun ken ni Quitoriano, aggapu dagiti imported frozen meat manipud iti USA, Ireland, France ken dadduma pay a pagilian iti ballasiw-taaw sana impasingked a nadalus dagitoy agsipud ta masursurot ti umisu a temperatura dagiti lugan a pakaikargaanda ken nainget ti pannakainspeksionda kadagiti naggapuanda a pagilian.
Naammuan ken ni Quitoriano nga addan supplier nga agideldeliber kadagiti imported frozen meat a mailako iti tiendaan ken pagtagilakuan iti Vigan City.

Kinuna pay ni Quitoriano nga apaman a simmangpet dagiti delivery van iti Vigan, mainspeksion dagiti kargada ken maipakita kenkuana no umisu met laeng dagiti dokumentoda.#

Comments are closed.