Footer

Saling Tubig project, pagnaaranen 3 sitio

MAGSINGAL, Ilocos Sur – Pagnanaaranen dagiti agindeg iti tallo a sitio ti Barangay Patong ditoy nga ili ti proyekto ti danum nga impaay ti nasional a gobierno babaen ti Department of Interior and Local Government.

Segun ken ni Municipal Planning and Development Coordinator Engr. Tiburcio Tabarrejo, dua a tawenen nga operational ti Saling Tubig Water System project ti DILG nga imatonan ti Barangay Water System of Barangay Patong.

Naammuan nga agdagup iti 108 a balbalay manipud iti tallo a sitio iti Barangay Patong ti agnanaaren iti nasao a proyekto.

Napunduan iti P3 million, impasdek ti DILG national office daytoy a proyekto tapno maaddaan dagiti naseksek a lugar a kas dagitoy tallo a sitio a maaddaan iti nabuslon ken nadalus a mainum a danum.#

Comments are closed.