Footer

Wallet, nakurimes iti compartment ti motorsiklo

BANTAY, Ilocos Sur – Diyo panawan ti tulbek ti motorsikloyo tapno dikayo matakawan.

Leksion daytoy ni Johnny Paiste y Lopez, 31, naasawaan, mannalon ken residente iti Barangay Tay-ac, ditoy nga ili gapu ta natakaw ti walletna a nakakabil iti compartment ti motorsiklona a mapapati a napasamak bayat ti panagempanadada iti gayyemna iti Mayeth’s Empanada iti Zone 5, idi agarup 11:00 ti rabii ti Septiembre 5.

Segun ken ni Paiste, nalipatanna a tinulbekan ti compartment ti motorsiklona a nangikabilanna iti petakana idi napanda nangan iti empanada iti nasao nga stall.

Nasukalan laengen ni Paiste iti kabigatanna nga awanen iti compartment ti petakana a naglaon iti P200.00, $50.00, professional driver’s license, firearm license iti cal. 45 pistol Taurus PT1911, TIN ID, value card iti JTC, ken 2 ATM cards iti bangko.#