Footer

Most wanted person iti Narvacan, naaresto

NARVACAN, Ilocos Sur – Inaresto dagiti polis ti maibilang a most wanted person ditoy nga ili itay Septiembre 9.

Inaresto dagiti nagtitipon nga elemento ti Narvacan police station, PIDMB-ISPPO ken CIDG Ilocos Sur nga indauluan ni PCI Modesto Carrera ni Salvador Callo, Jr. y Lopez, 21, baro, mannalon, ken residente iti Sitio Balsa, Barangay Bangalayan, Narvacan babaen iti bileg ti warrant of arrest nga inyisio ni Judge Sixto D. Diompoc ti RTC Branch 72, Narvacan idi Septiembre 1, 2014.

Sumangsango ni Callo iti kaso a rape a nai-docket iti babaen ti Criminal Case No. 3830-N ket awan ti nairekomenda a piansana.

Iti pannakaisurat daytoy, naikustodia ti akusado iti CIDG, Ilocos Sur para iti pannakaidatagna iti nasao a korte.#