Footer

2,472 trabaho naitanggaya iti Marcos Fiesta Paperless Job Fair

LAOAG CITY – Nasurok a 2,472 a job vacancies ti naitayanggaya kadagiti nasurok 700 nga aplikante iti Marcos Fiesta Paperless Job Fair nga insayangkat ti Provincial Government of Ilocos Norte Task Force Trabaho itay Septiembre 12.

Naangay iti Robinson Mall, Ilocos Norte, nagkakammayetan ti Provincial Public Employment Service Office (PESO) JobsDB Philippines, Robinsons Ilocos Norte ken dadduma pay a kangrunaan a job portals iti probinsia daytoy a job fair .

Sinuportaran ti Technical Education and Skills Development Authority (TESDA), Department of Labor and Employment (DOLE) ken Overseas Workers Welfare Administration (OWWA), nasurok a 36 a lokal ken ganggannaet a kompania ti nakipartisipar iti job fair a nangi-offer iti nadumaduma a job vacancies.

Kinuna ni PESO Head Nicole Rudio a dagiti agbirbirok iti trabaho a saan a nakapan iti job fair ket mabalinda pay ti agsapul iti lokal a job vacancies ket isubmiteda ti resumeda iti www.ilocosnortejobs.ph anytime.

Kinuna ni Rudio a plano pay ti PGIN TFT ti mangangay iti sabali pay a job fair sakbay ti panagtapos ti tawen. (Manipud iti report ni Jennifer T. Pambid-PGIN-CMO)

Comments are closed.