Footer

Bassit naparti a baboy gapu iti Bagyo Mario

VIGAN CITY – Bimmassit ti bilang dagiti baboy a naparti iti slaughterhouse ditoy siudad agsipud iti panangduprak ti Bagyo Mario iti probinsia.

Naammuan ti Tawid News a bimmassit ti bilang dagiti naparti a baboy agsipud iti kaawan ti koriente manipud pay idi rabii ti biernes, Septiembre 19 a panangsanot ni Bagyo Mario iti probinsia a pakairamanan daytoy siudad.

Sa la naisubli ti koriente ditoy siudad idi rabii ti Septiembre 21. Ngem adu pay laeng a lugar iti probinsia ti saan pay a nagsilaw gapu kadagiti napugsat a waya ti koriente ken natuang a posposte.

Nupay kasta, nagtalinaed ti presio ti mailako a karne ti baboy iti tiendaan publiko iti P170 kada kilo.

Insubli dagiti meat vendors ti presio ti karne ti baboy iti P170 kada kilo manipud iti P180 kada kilo gapu iti ilalaka ti presio dagiti liveweight.#