Footer

Motorista, dimmungpar iti poste

CANDON CITY – Naideklara a dead on arrival iti ospital a nakaitarayanna ti motorista a dimmungpar iti poste iti national highway a sakup ti Barangay Ayudante ditoy siudad idi rabii ti Septiembre 17.

Saanen a naiyabot iti Candon City Hospital ti biag ni Ronnie Abaya y Manzano, 33, baro, ken residente iti Barangay Patac, Galimuyod, Ilocos Sur gapu kadagiti grabe a dunorna iti ulona,

Segun iti inisial a panagimbestiga dagiti polis, idi agarup alas otso ti rabii ti Septiembre 17, mapapati a napakaskas ti panagtaray ti nangisit a Yamaha 135 a minaneho ni Abaya ket iti national highway a sakup ti Barangay Ayudante, Candon City, napukawna ti kontrolna iti manibela a nakaigapuan ti pannakadungparna iti poste ti elektrisidad iti akinlaud nga abaga ti kalsada.

Awan ti aruat ti biktima a helmet idi mapasamak ti aksidente.

Nakaro a nadadael ti sungo ti motorsiklo.#

Comments are closed.