Footer

Career Service Examination, maangay inton Oct. 26

BAGUIO CITY – Maangay ti Career Service Examination-Paper and Pencil Test para iti professional ken sub-professional levels inton October 26, 2014, segun iti Civil Service Commission.

Nangrugi ti panagipla iti aplikasion para iti daytoy nga eksamenidi Abril 7, 2014 ken naggibus idi Septiembre 11, 2014.

Karaman kadagiti testings centers iti Region 1 ti San Fernando City, Dagupan City, Urdaneta City, ken Vigan City.

First come-first serve ti panagawat iti aplikasion.

Nakalukat ti eksamen kadagiti Filipino citizens nga agtawen iti saan a nakurkurang ngem 18, uray ania ti naturposna nga edukasion.
Ipalubos ti CSC ti panageksamen ti aplikante iti isu met la a tukad ti eksamen uray mano a daras no la ketdi saan nga ageksamen iti las-ud ti tallo a bulan kalpasan ti naudi a paeksamen.#

Comments are closed.