Footer

Paltog, nasarakan iti waig bayat clean-up operation

STO. DOMINGO, Ilocos Sur – Maysa a 12 gauge homemade buckshot ti indatag ti maysa a residente ti Barangay Lao-ingen ditoy nga ili idi agsapa ti Septiembre 24.

Awan ti marka ken serial number ti nasao a paltog nga impan ti di nagpabigbig a residente iti nadakamat a barangay.
Segun iti report, nasarakan ti nasao a residente ti paltog bayat ti insayangkatda a clean-up drive iti waig tapno mawaknitan daytoy kadagiti rituer ken sanga a makalapped iti nasayud a panagayus ti danum.

Naammuan a nagdinakkel ti danum iti waig gapu kadagiti naidaknir a rugit ken kaykayo gapu iti iduduprak ti Bagyo Mario.#