Footer

Patrol car, natupakan iti kayo idi kangitingit Bagyo Mario

SAN ILDEFONSO, Ilocos Sur – Natupakan iti sanga ti mangga ti Toyotal Hilux patrol car ti police station ditoy bayat ti panagisayangkat dagiti polis nasao nga ili iti search and rescue operations idi agsapa ti Septiembre 20.

Segun iti report, madama ti search and rescue operation ti Municipal Disaster Risk and Rescue Management Council nga indauluan ni Servitas Romano ken panangkuyog ti kapolisan nga indauluan ni Deputy COP, Inspector Erwin B. Voibul, idi aksidente a natupakan iti sanga ti mangga ti lugan a minaneho ni SPO4 Wilfredo Pido.

Gapu iti daytoy, nadadael ti windshield, side mirrors, blinkers, hood ken makannawan a paset ti patrol car.

Awan ti nadangran a naglugan iti patrol car.#