Footer

Lalaki, nagbekkel

CANDON CITY – Problema iti utang ken relasionda nga agassawa ti mapapati a nangiduron iti daytoy lalaki a nangkettel iti biagna.

Idi agsapa ti Nobiembre 3, nasarakan ni Eugene Ancheta, 40, agpaspasada, ti bangkay ni Bernie Pascua y Mecos, 39, naasawaan, drayber, ken residente iti Barangay Tamurong 1st, Candon City, a nakabitin babaen iti nylon cord a naigalut iti tengngedna.

Intaray da Ancheta ken ni Ronald Pascua y Mecos ti biktima iti Candon City Hospital ngem indeklara ti doktor a nangtaming kenkuana a dead on arrival.

Segun ken ni Pastor Chris Ian Rodriguez y Tolentino, Lutheran Church pastor, inkumpesar ni Pascua kenkuana a saan a makaturturog gapu kadagiti problemana iti utang ken dida panagkinnaawatan ken ni baketna nga agtrabtrabaho iti Baguio City ket kayatnan a kettelen ti biagna.#