Footer

Pagadalan, natakawan

SANTA, Ilocos Sur – Natakawan ti maysa a pagadalan a masarakan iti Barangay Basug ditoy nga ili a mapapati a sinerrek dagiti mannanakaw idi parbangon ti Nobiembre 3.

Natakaw iti school canteen ti Basug National High School ti P1,000 a kuarta ken maysa a bentilador nga agbalor iti P700.00.

Kinasakas pay dagiti mannanakaw dagiti barut ti koriente a mapattapatta nga agbalor iti P20,000.00.

Segun iti polis, nakastrek dagiti di nabigbig a mannanakaw iti school canteen babaen ti panangdadaelda iti grill iti bubeda. Idi nakaunegda, dinadaelda ti drawer a nakaikabilan ti kuarta. Kalpasanna, dinadaelda dagiti junction boxes sada ginuyod dagiti barut ti koriente a nakakonektar kadagiti kuarto ken opisina iti pagadalan.

Naireport a nakaala ti Crime Laboratory Office kadagiti mapapati a lemma ti ramay dagiti mannanakaw iti uneg ti canteen.#

Comments are closed.