Footer

5 illegal a kalap, nakumpiska

CAOAYAN, Ilocos Sur – Lima nga illegal a pagkalap a maaw-awagan iti bukatot wenno balaong a naipakat iti Mestizo River a sakup daytoy nga ili ti kinumpiska dagiti otoridad babaen ti operation nga insayangkatda idi malem ti Nobiembre 7.

Malaksid iti kapolisan ditoy nga ili nga indauluan ni PI Rez Gerome Baluga Cachin, deputy chief of polis, karaman kadagiti nagisayangkat iti operasion ni Marilou Factor, pannakabagi ti Department of Agriculture.

Lima a bukatot ti kinumpiska dagiti otoridad agsipud ta aglabsingda iti ordinansa ditoy nga ili a total ban ti panagipakat iti bukatot iti Karayan Mestizo.

Awan ti naireport a natiliw nga akinkukua kadagiti bukatot nga addan iti babaen ti kustodia ti police station ditoy.#

Comments are closed.