Footer

Ceremonial burning naparut pinuon marihuana, naangay

CAMP ELPIDIO BULAG, BANTAY, Ilocos Sur – Naangay ditoy kampon itay nabiit ti ceremonial burning dagiti binungkos a mula a marihuana a naparut iti napalabas babaen ti operasion dagiti elemento ti kapolisan.

Pinuoran da Cong. Ronald V. Singson, ken dagiti pannakabagi ti PDEA, Department of Justice, DILG, Napolcom dagiti bungkos a pinuon ti marihuana iti imatang dagiti hepe dagiti nadumaduma a police stations, Sugpon police station ken dagiti kameng ti media.

Kalpasanna, napirmaanda ti certificate of destruction mainaig kadagiti napuoran a mula a marihuana.

Maipalagip nga iti marijuana eradication operation nga insayangkat dagiti nagtitipon nga elemento ti kapolisan, pinarut ken pinuoranda dagiti rinibu a kapuon daytoy maiparparit a mula sada nangibaba iti sumagmamano kabungkos para iti ceremonial burning iti kampo.

Kinuna ni Provincial Director Police Senior Supt. Nestor Felix a babaen ti ceremonial burning, ipakita ti kapolisan ti Ilocos Sur a seriosoda iti kampania maikontra iti illegal a droga.#

Comments are closed.