Footer

Mannalon, nalmes iti puttot

STA. CRUZ, Ilocos Sur – Mapapati a nagkissiw daytoy mannalon a puon ti nakaitapuakanna iti puttot ken nakalmesanna sadiay Barangay Bayugao West, ditoy nga ili idi agarup 6:17 ti sumipnget ti Nobiembre 8.

Naireport a nasarakan ni Moises Guieb ti anakna a ni John Guieb y Rosario, 37, naasawaan, a tumtumpaw iti puttot a masarakan met laeng iti barangayda.

Segun ken ni Moises, rimmuar ni John iti balayda iti nasapa a bigat iti nadakamat a petsa ngem saan naggawid agingga iti malem a puon ti nangbirokan ti ama iti las-ud ti barangayda ket naklaat laengen ta nakitana ti anakna a tumtumpaw iti fishpond.

Naammuan nga adda sakit ti biktima nga epilepsy.

Saan nga impalubos ti ama nga agdalan pay ti anakna iti autopsia.#

 

Comments are closed.