Footer

Mannalon, nasangpetanna a natakawan ti balayna

STA. CRUZ, Ilocos Sur – Natakawan ti maysa a balay iti Barangay Besalan ditoy nga ili bayat ti kaawan ti aknkukua a mapapati a naisayangkat sakbay ti panagtapos ti bulan ti Nobiembre.

Inreport ni Mario Carbonel y Carbonel, 56, baro, mannalon ken residente iti nadakamat a barangay nga idi simmangpet manipud iti Manila, nadatnganna a nakalukat dagiti silaw iti balayna.

Naduktalan laengen ti biktima a natakaw ti P15,000.00 nga inkabilna iti drawer ti kabinet iti salas.

Iti kuartona, nadadael ti plastic a kabinet ket natakaw met ti selponna ken dua a passbook iti bangko nga adda kargana a sumurok kumurang P10,000.00 ken P5,000.00.

Iti panagimbestiga dagiti polis, simrek dagiti mannanakaw iti akindaya a tawa ti kusina ket ditoy met laeng ti nagnaanda kalpasan ti panagtakawda.#