Footer

Mangngalap, pinaaresto ti korte

CANDON CITY – Maysa a mannalon ti inaresto dagiti polis idi aldaw ti Disiembre 9 maigapu iti kaso a sangsanguenna iti maysa a korte ditoy siudad.

Inaresto dagiti polis-Candon ni Manuel Ramirez y Villarus, 44, baro, mangngalap kas imbilin ni Judge Gabino B. Balbin, Jr. ti Regional Trial Court, Branch 23, Candon City gapu iti panaglabsingna iti RA 9262 in Relation to Attempted Parricide a naikaso babaen ti Criminal Case No. 3377-C a napetsaan idi Disiembre 8.

Nairekomenda nga agpiansa ni Ramirez iti P120,000.00 para iti temporario a wayawayana.

Naipan ni Ramirez iti Candon police station para iti maiyanatup a dokumentasion ken disposision.#