Footer

Pastor, timmagbat

SINAIT, Ilocos Sur – Nakaawat ti kapolisan ditoy iti pulong manipud iti maysa a residente iti Barangay Namnama, Sinait, Ilocos Sur a tinagbat ti maysa a pastor ti kalib-inna idi malem ti Disiembre 6.

Iti pulongna iti polis, kinuna ni Ednalyn Amoroso y Idigpio, 38, naasawaan, ken residente iti nadakamat a barangay a tinagbat ni Marlon Yoro, 38, naasawaan, pastor iti Evangelist Church of Church ken residente iti Barangay Katipunan, ditoy met laeng nga ili, ti kalib-inna a ni Algar Joseph Bangalan y Ragudo, 32, a nakaputdan dagiti sumagmamano a ramayna ken puon ti nakayospitalanna.

Iti panagimbestiga dagiti polis, idi binisita ni Yoro ti kapiliana a masarakan iti nadakamat a barangay, karkariaren ni Bangalan dagiti apongna ket pinagtalna ti pastor.

Kinarit ketdi ti biktima ti suspek nga agboksingda.

Idi aggawid ti pastor ken dagiti annakna, kinamat ida ni Bangalan a nakaiggem iti pala ket kinabilna ni Yoro.

Mapapati nga innala ni Yoro ti bolo iti uneg ti traysikelna sana tinagbat ti biktima.#

Comments are closed.