Footer

2 lalaki, imbaskag ti CCTV camera a nagtakaw iti pagtagilakuan

SINAIT, Ilocos Sur – Maysa kadagiti suspek a nagtakaw iti maysa a puesto iti tiendaan publiko ditoy nga ili ti imbisto ti footage ti Close Circuit Television camera a nainstolar ditoy.

Iti panagimbestiga dagiti polis, simrek dagiti suspek iti stall ni Jham Ambolo y Pangali, 38, naasawaan, natibo iti Maraui City, Mindanao ken agdama nga agnaed iti Brgy Rang-ay, Sinait, Ilocos Sur idi agarup 12:20 ti malem.

Iti dayta a kanito, ni laeng Nor Jannah Ambolo y Pangali, 8, anak ti negosiante ti agbambantay iti puestoda.

Segun iti footage ti CCTV camera, maysa kadagiti lalaki ti nangsikuat iti P3,200.00 a naikabil iti de-sarming a kabinet idinto a serserbian ti ubing ti kaduana a nagpammarang a kustomer.

Ngem saan pay a nabigbig dagiti dua a suspek a mapapati a kameng ti Salisi Gang gapu iti inwayatda a modus operandi.#